CHANSON 44
Siplikasyon On Moun Ki Dékouwajé
(Sam 4:1)
-
1. Papa Bondyé mwen ka kwiyé’w,
tanpwi souplé kouté.
Mwen ka soufè, chay mwen byen lou,
épi mwen ni chagwen.
Mwen afébli, dékouwajé, mwen la
dézèspéwé.
Souplé Bondyé konsolé mwen;
sé sipò’w n’a chaché.
(WÉPONS)
Dyé Jéhova, n’a sipliyé’w
pou ban mwen fòs pou andiwé.
Mwen an lapenn, tjè mwen kwazé.
Konsolé mwen, tanpwi souplé.
-
2. Pawòl ou ka konsolé mwen
lè mwen ka santi fèb.
Lè m’a sa èspwimé kò mwen,
I ka palé pou mwen.
Jéhova fòtifyé mwen èk
édé mwen pou konfyé’w.
Fè mwen chonjé lanmityé’w pli
gwan pasé tjè mwen, Dyé.
(WÉPONS)
Dyé Jéhova, n’a sipliyé’w
pou ban mwen fòs pou andiwé.
Mwen an lapenn, tjè mwen kwazé.
Konsolé mwen, tanpwi souplé.
(Gadé osi Sam 42:6; 119:28; Ronm 8:26; 2 Kòrint 4:16; 1 Jan 3:20.)
