CHANSON 7
Jéhova Sé Fòs Nou
(Izaya 12:2)
-
1. Dyé Jéhova, sé ou ki kouway nou.
Ou sé Sovè nou, sous lajwa nou tou.
Nou sé Témwen’w alò nou ka pwéché
menm si la ni moun ki pa vlé kouté.
(WÉPONS)
Sé ou ki fòs nou, kouway nou osi.
Pou pwoklanmé non’w sé an plézi.
Gwan Dyé Jéhova, Bondyé Toupisan,
ou sé pwotèksyon nou, wi, pou tout tan.
-
2. Tout sèvant ou ka wéjwi an klèté’w.
An Bib-la nou ka jwenn lavéwité’w.
Lè nou li Bib-la nou ka wè an klè
ou sé Dyé vwé-a, nou vlé kouté’w byen.
(WÉPONS)
Sé ou ki fòs nou, kouway nou osi.
Pou pwoklanmé non’w sé an plézi.
Gwan Dyé Jéhova, Bondyé Toupisan,
ou sé pwotèksyon nou, wi, pou tout tan.
-
3. Bondyé, pou fè divwa’w sé an plézi.
Satan kont nou, mé nou ka éwisi.
I vlé tjwé nou, mé édé nou souplé,
wèsté fidèl, wi, pou létèwnité.
(WÉPONS)
Sé ou ki fòs nou, kouway nou osi.
Pou pwoklanmé non’w sé an plézi.
Gwan Dyé Jéhova, Bondyé Toupisan,
ou sé pwotèksyon nou, wi, pou tout tan.
(Gadé osi 2 Sm 22:3; Sam 18:2; Izay. 43:12.)
