CHANSON 71
Nou Sé Lawmé Jéhova!
-
1. Nou sé lawmé Jéhova,
Jézi sé chèf nou.
Nou sé sòlda ki fidèl,
byen bwav, byen zélé tou.
Nou ka pwéché toupatou
touwon latè-a.
Nou byen détèminé
èk nou pa koutja.
(WÉPONS)
Nou sé lawmé Jéhova;
anba djid Jézi.
Nou kontan déklawé
nouvèl Wéyòm li.
-
2. Nou sé sèvant Jéhova
èk nou ka édé
tout moun nou wè ki sensè,
ki vlé konnèt Bondyé.
Moun ki pèd èk san èspwa,
moun ki an lapenn;
nou ka envité yo:
“Atandé mitin.”
(WÉPONS)
Nou sé lawmé Jéhova;
anba djid Jézi.
Nou kontan déklawé
nouvèl Wéyòm li.
-
3. Nou sé lawmé Jéhova.
Nou byen pwépawé.
Nou ni tout sa nou bizwen
pou défann non Bondyé.
Nou ka tjenn zyé nou fiksé
asou Wéyòm-lan.
Jik an tan difisil,
nou ni tjè kontan.
(WÉPONS)
Nou sé lawmé Jéhova;
anba djid Jézi.
Nou kontan déklawé
nouvèl Wéyòm li.
(Gadé osi Filipay 1:7; Filémonn 2.)
