Ès Bondyé Toupatou?
Mi Sa Bib-la Ka Di
Bondyé ka wè tout bagay, èk i sa fè népòt saʼy vlé an népòt koté i vlé. (Pwovèb 15:3; Hibrou 4:13) Kanmenm, Bib-la pa ka enstwi Bondyé toupatou ni i pa ka enstwi Bondyé an tout bagay. Pito sa, Bib-la ka moutwé Bondyé sé yon moun épi i ka wèsté yon sèl plas.
Kò Bondyé: Bondyé sé on lèspwi. (Jan 4:24) Konsa lézòm pa sa wèʼy. (Jan 1:18) Sé vizyon-an ki ékwi an Bib-la konsèné Bondyé ka toujou moutwé Bondyé ka wèsté adan yon sèten plas. Yo pa ka janmen moutwé Bondyé ka wèsté toupatou.—Izaya 6:1, 2; Wévélasyon 4:2, 3, 8.
Plas-la Bondyé ka wèsté: Bondyé ka wèsté adan an plas nou pa sa wè, sa sé on plas koté lèspwi ka viv. Èk plas sala diféwan épi kwéyasyon nou ka wè. Bib-la ka kwiyé plas sala syèl, èk Bondyé ka wèsté adan on sèten plas an syèl-la. (1 Wa 8:30) Bib-la mansyonnen yon lokazyon lè sé nanj-lan té ‘antwé pou pwan pozisyon yo douvan Jéhovaʼ. a Konsa, sa ka moutwé Bondyé ni on sèten plas koté i ka wèsté an syèl-la.—Jòb 1:6.
Si Bondyé pa toupatou, ès i sa vwéman otjipé mwen?
Wi. Bondyé vwéman konsèné épi nou chak. Magwé Bondyé ka viv an syèl, i ka wè moun ki asou latè-a ki vwéman vlé plèʼy, èk i ka sèvi fòs li pou sipòté yo. (1 Wa 8:39; 2 Kwonnikèl 16:9) Annou konsidiwé déotwa mannyè Jéhova ka moutwé i konsèné épi moun ki ka adowéʼy:
Lèʼw pwédyé: Jéhova sa tann lapwiyèʼw konʼw ka pwédyé.—2 Kwonnikèl 18:31.
Lèʼw dékouwajé: “[Jéhova] toujou pwé sé moun-an ki dékouwajé-a, èk i ka sové sé moun-an ki pèd èspwa-a.”—Sam 34:18.
Lèʼw bouzwen diwèksyon: Jéhova ka sèvi Pawòl li, Bib-la pou “enstwiʼw èk moutwéʼw ki chimen pou pwan.”—Sam 32:8.
Sa moun ka di ki pa vwé konsèné Bondyé
Sa moun ka di: Bondyé toupatou èk i an tout bagay.
Lavéwité-a: Bondyé pa ka wèsté ni asou latè-a ni pyès koté an inivès-la. (1 Wa 8:27) Wi, sa vwé, sé étwal-la èk lòt kwéyasyon “ka fè moun konnèt pouvwa Bondyé.” (Sam 19:1) Kanmenm, menm kon yon atis pa ka wèsté an sé pòtwé-a i pentiwé-a, Jéhova pa ka wèsté an sé bagay-la i fè-a. Osi, menm kon on pòtwé sa di nou konsèné atis-la ki pentiwéʼy-la, sé kon sa sé bagay-la Jéhova fè-a, ka di nou konsèné kawaktèʼy. Wi, yo ka moutwé i ni an chay pouvwa, lasajès, épi lanmityé.—Ronm 1:20.
Sa moun ka di: Pou Bondyé konnèt tout bagay èk pouʼy ni tout pouvwa i ni pou toupatou.
Lavéwité-a: Lisentèspwi Bondyé, ében fòs li, sé pouvwaʼy. Alò, Bondyé sa sèvi lisentèspwiʼy pou konnèt tout bagay èk pou fè tout bagay, népòt lè, népòt koté, sanʼy pwézan.—Sam 139:7.
Sa moun ka di: Sam 139:8 ka enstwi Bondyé toupatou lèʼy di: “Si mwen mouté an syèl, ou la, si mwen kouché koté sé mò-a yé-a, ou la tou.”
Lavéwité-a: Lévanjil sala pa ka enstwi Bondyé toupatou. Mé i ka di nou, pyès koté pa twò lwen pou Bondyé édé nou.
a Bib-la di non Bondyé sé Jéhova.
Ou Pé Osi Enmen
LAVÉWITÉ KI AN BIB-LA
Ès La Vwéman Ni On Bondyé?
Ègzanminé évidans ki ka moutwé la vwéman ni on Bondyé.
SÉ WÉPONS-LAN BIB-LA KA BAY
Kisa Ki Lisentèspwi-a?
La ni bon wézon pouki Bib-la ka kwiyé lisentèspwi-a “lanmen” Bondyé.
KI MOUN NOU YÉ?
Mandé Pou On Moun Vizitéʼw
Diskité on kwèstyon ou ni asou Bib-la, èben apwann pli konsèné Tèmwen Jéhova.