Ès Bondyé Té Sèvi Évolousyon Pou Fè Tout Diféwan Kalité Lavi?
Mi Sa Bib-la Ka Di
Bondyé kwéyé lézòm, tout diféwan kalité bèt èk plan silon kalité yo. a (Jennésis 1:12, 21, 25, 27; Wévélasyon 4:11) Osi, Bib-la ka moutwé Adanm èk Èv sé pwèmyé pawan nou. Alò, tout moun ki asou latè-a sé désandan Adanm èk Èv. (Jennésis 3:20; 4:1) Konsa, ès Bondyé té sèvi évolousyon? Non. Mé Bib-la ka dakò épi siyantis ki di ou sa ni diféwan kalité bèt an menm was bèt èben diféwan kalité plan an menm gwoup plan.
Kisa adan moun ka kwè?
Moun ki kwè Bondyé té sèvi évolousyon an kwiyasyon ni diféwan wipinyon asou mannyè i fèʼy. Pou ègzanp:
● La ni moun ki ka kwè, Bondyé té sèvi “natural selection” an kwéyasyon.
La ni sa ki ka kwè, ni plan ni zannimo ni lézòm, ni menm ayèl-la.
La ni sa ki ka kwè, sé yon kalité bèt ki té chanjé pou fè pwéson, zannimo, épi lézòm.
Èk la ni moun ki ka kwè, népòt mannyè ou gadéʼy, sé Bondyé ki wèskonsab pou mannyè-a i fèt-la.
Ès évolousyon a ling épi sa Bib-la ka di konsèné kwéyasyon?
Si évolousyon sé kéchòy ki vwé, sa té kay vlé di sa Bib-la di konsèné kwéyasyon pa aplon. Mé Jézi mansyonnen wakont-la ki an Bib-la konsèné kwiyasyon kon on bagay ki té vwéman fèt. (Jennésis 1:26, 27; 2:18-24; Mafyou 19:4-6) Èk nou sa kwè pawòl Jézi, paski Bib-la di, Jézi té ka viv épi Bondyé an syèl-la avan i vini asou latè-a. Èk Bondyé té sèviʼy pou fè tout bagay ni an syèl ni asou latè-a. Anfen, Jan 1:3 ka di nou: “La pa té ni anyen ki té fèt si sé pa [Jézi] ki té fèʼy.” Konsa, apa di Bondyé, kilès ki pli mèyè moun-lan pou di nou konsèné kwiyasyon pasé Jézi? Alò, sa moun ka kwè konsèné évolousyon pa a ling épi Bib-la.
Kisa nou sa di konsèné abilité-a plan èk bèt ni pou chanjé kò yo?
Bib-la pa té èspliké ki kantité chanjman ki sa fèt adan yon was bèt èben yon kalité plan. Èk i pa té di sé chanjman sala pa sa fèt non plis. On bèt èben yon plan sa chanjé kò yo silon koté-a yo yé-a. Lè on zannimo fè on piti, i sa sòti diféwan hòd pawanʼy. Èk la sa ni on diféwans hòd ti plan-an èk manman plan-an. Magwé adan moun ka gadé sé chanjman sala kon évolousyon, sé pa on lòt kalité bèt èben plan ki la.
a Wakont-la konsèné kwéyasyon an liv Jennésis ka sèvi mo pawòl-la “kalité”. Èk sa aplon paski lè siyantis di évolousyon fè on “species” nèf, sé pa vwéman on bagay ki nèf. Mé sa i vwéman yé, sé on diféwan kalité bèt an menm was bèt, èben on diféwan kalité plan an menm gwoup plan.
Ou Pé Osi Enmen
LAVÉWITÉ KI AN BIB-LA
Ès Sé Bondyé Ki Fè Inivès-la?
An chay moun ka mal konpwann sa liv Jennésis ka di konsèné kwiyasyon, èk an chay di yo ka kwè sa sé an listwa ki pa vwé. Ès nou sa vwéman kwè sa Bib-la ka di?
KI MOUN NOU YÉ?
Mandé Pou On Moun Vizitéʼw
Diskité on kwèstyon ou ni asou Bib-la, èben apwann pli konsèné Tèmwen Jéhova.