Bib-la ka ban nou on chay bon wézon pou kwè la ni on Bondyé. Wi. Bib-la ka enkouwajé nou pou sèvi “lakonpwann” nou pou fòtifyé lafwa nou an Bondyé. (Ronm 12:1; 1 Jan 5: 20) Annou konsidiwé senk (5) bon wézon Bib-la ka ban nou pou kwè la ni on Bondyé:

•   An Hibrou 3:4 Bib-la di: “Chak kay ni an moun ki batiʼy, mé sé Bondyé ki fè tout bagay mannyè yo yé-a.” Magwé sa sé an bagay ki senp, an pil moun ki ni gwo endikasyon twouvé i ka fè an chay sans. a Konsa, nou ni bon wézon pou kwè la ni on Bondyé ki fè latè-a èk syèl-la.

•   Ki dézi ou kay di nou tout ni? Asiwé ou kay dakò nou tout ni dézi-a pou konpwann pou ki wézon nou asou latè-a. An Mafyou 5:3 Bib-la di: “Pa dé bon i bon pou moun ki sav yo bizwen Bondyé.” (Wévélasyon 4:11) Alò paski nou tout ni dézi sala sa ka bay pwèv ki, la ni an Bondyé. Èk sé Bondyé ki fè tout bagay épi i vlé nou konnèt li èk adowéʼy.​—Mafyou 4:4.

•   Bib-la té mansyonnen bagay ki té kay fèt lontan avan yo fèt. Èk sé bagay sala té vwéman fèt menm kon Bib-la té di. Pouki sé pwofèsi sala té sa fèt ègzaktiman kon Bib-la té di? Sé paski sé Bondyé ki sous pawòl-la ki an Bib-la.​—2 Pita 1:21.

•   An tan lontan, sé nonm-lan ki té ékwi Bib-la té ékwi bagay konsèné siyans lòt moun an tan yo pa té konnèt. Pou ègzanp an tan pasé moun té kwè latè-a té ka apiyé asou diféwan zannimo tèl kon, an léfan, an kochon mawon, ében an bèf. Okontwè, an Jòb 26:7 Bib-la di ‘latè-a ka pann san anyen ka tjenbéʼyʼ. Osi Bib-la di latè-a ‘wonʼ menm kon an ‘bòlʼ. (Izaya 40:22, Douay Version) A kòz di sa, an chay moun kwè sa ki ka fè pli sans sé sa, sé nonm-lan ki ékwi Bib-la té wisivwè enfòmasyon yo hòd Bondyé.

•   Bib-la ka wéponn kwèsyon ki difisil. Tèl kon: Si Bondyé ni si tèlman lanmityé pou nou èk i ni si tèlman pouvwa, pouki latè-a ni tèlman soufwans èk movèzté kon sa? Pouki wilizyon ka fè movèzté kon sa? Délè, si on moun pa twapé wépons-lan pou kwèsyon difisil kon sa, sa pé annékòz li pou kwè la pa ni on Bondyé.​—Titòs 1:16.