Konmen Non Bondyé Ni?
Mi Sa Bib-la Ka Di
Bondyé ni yon sèl non. An langaj Hibrou yo ka ékwiʼy יהוה èk an Kwéyòl nou ka di “Jéhova” ében “Jihova”. a Jéhova sèvi pwòfèt Izaya pou di: “Mwen sé Jéhova. Sa sé non mwen.” (Izaya 42:8) An sé pòsyon Bib-la yo té ékwi an tan lontan, non-an Jéhova ka pawèt apipwé sèt mil (7,000) fwa. Sa sé plis pasé pyès lòt tit pou Bondyé. Anfen, non Jéhova ka pawèt an Bib-la otan pli fwa pasé pyès lòt non. b
Ès Bondyé ni lòt non?
Magwé Bib-la ka sèvi yon non pou Bondyé, i ka osi sèvi plizyè tit èk lòt èspwèsyon pou dékwi Bondyé. Gadé sa nou sa apwann konsèné Jéhova lè nou konsidiwé adan sé tit-la i ni-an, èk adan sé èspwèsyon-an ki ka dékwiʼy.
Tit |
Lévanjil |
Saʼy vlé di |
|---|---|---|
Ala |
(Pyès) |
Mo pawòl-la “Ala” sòti an langaj Awabik. Mo pawòl sala sé an tit ki vlé di “Bondyé”. Bib yo twadwi an langaj Awabik èk an lòt langaj ka sèvi “Ala” pou “Bondyé”. |
Toupisan |
Jennésis 17:1 |
Sé li ki ni tout pouvwa-a. Èspwèsyon-an Èl Chaday sòti an langaj Hibrou, èk èspwèsyon sala an Bib-la sèt (7) fwa. |
Alfa épi Oméga |
“Pwèmyé-a èk dènyé-a”, ében “koumansman-an épi finisman-an”: Sa vlé di la pa té ni pyès lòt Dyé Toupisan avan Jéhova, èk apwéʼy la pa kay ni pyès. (Izaya 43:10) Alfa sété pwèmyé kawaktè-a an alfabèt Gwik, èk oméga sété dènyé-a. |
|
Moun-lan Ki La Dépi Tan Lontan |
Dannyèl 7:9, 13, 22 |
I pa té ni an koumansman; I ka toujou ègzisté èk i té la plizyè syèk avan tout moun épi tout bagay ki asou latè-a.—Sam 90:2. |
Kwéyatè |
Izaya 40:28 |
Sé li ki fè tout bagay. |
Papa |
Sé li ki bay tout bagay lavi. |
|
Bondyé |
Jennésis 1:1 |
Moun-lan ki méwité adowasyon nou; Yonn-lan ki ni an chay pouvwa. Mo pawòl-la Èlohim ka moutwé Jéhova ni an chay laglwa, lonnè, èk bonté. |
Dyé Ki Anho Tout Lòt Dyé |
Ditonronnonmi 10:17 |
Dyé-a ki ni pli gwo pozisyon-an. I pli ho pasé ‘sé dyé-a ki pa ni valèʼ adan moun ka adowé.—Izaya 2:8. |
Gwan Titja |
Izaya 30:20, 21 |
I ka enstwi nou èk i ka ban nou diwèksyon ki an bennéfis nou.—Izaya 48:17, 18. |
Gwan Dyé-a Ki Fè Tout Bagay |
Sé li ki fè tout bagay.—Wévélasyon 4:11. |
|
Bondyé-a Ki Ni Tjè Kontan |
1 Timòfi 1:11 (New World Translation) |
I ni lakontantman èk i ka pwan plézi an twavay li.—Sam 104:31. |
Sé Li Menm Ki Ka Tann Lapwiyè |
I ka kouté lapwiyè chak moun ki kwiyé asouʼy an lafwa. |
|
Sa Mwen Yé Sé Sa Mwen Yé |
Ègzodòs 3:14, King James Version |
I ka vini népòt sa ki nésésè pou akonpli divwaʼy. Yo ka osi twadwi èspwèsyon sala kon “Mwen Kay Vini Népòt Sa Mwen Vlé” ében “Mwen Kay Vini Sa Mwen Chwazi Pou Vini”. (The Emphasised Bible, by J. B. Rotherham; New World Translation) Yo ka sèvi èspwèsyon sala pou èspliké sa non Jéhova vlé di an Ègzodòs 3:15. |
Jalou |
Ègzodòs 34:14, King James Version |
Sa vlé di, i pa vlé nou adowé pyèsonn ében pyès lòt bagay. Sa osi vlé di, ‘i pa vlé pyès konpitisyonʼ èvèk ‘i vlé moun adowéʼy tousèlʼ.—Godʼs Word Bible; New World Translation. |
Wa Pou Tout Tan |
Kondwit li pa ni koumansman ében finisman. |
|
Senyè |
I sé mèt nou; An Hibrou yo ka di Adonn èk Adonim. |
|
Chèf Sé Lawmé-a, Senyè Sibéyòf |
Izaya 1:9, King James Version; Ronm 9:29, King James Version |
I sé chèf an gwo lawmé nanj. Tit-la ‘Senyè Sibéyòfʼ osi vlé di ‘Jéhova chèf sé lawmé-aʼ èvèk ‘Senyè sé lawmé-a ki an syèlʼ.—Ronm 9:29, New World Translation; (NET Bible nòt-la pou vèwsé sala). |
Moun-lan Ki Pli Ho-a |
Sé li ki an pli gwo pozisyon-an. |
|
Moun-lan Ki Pli Sen |
Pwovèb 9:10 |
I sen, nèt, èk pwòp an tout fason otan pli pasé tout moun. |
Moun-lan Ki Fè Nou |
Izaya 64:8 |
I ni lotowité asou moun èk nasyon, menm kon an moun ki ka fè vésèl épi tè gwa ni lotowité asou tè gwa-a.—Ronm 9:20, 21. |
Sovè, Moun-lan Ki Ka Viwé Achté |
Izaya 41:14; King James Version |
Sé li ki achté lézòm anba péché èk lanmò gwanmèsi sakwifis Jézi Kwi.—Jan 3:16. |
Kayè-a |
Sé li ki ka toujou pwotéjé èk sové nou. |
|
Sovè |
Izaya 45:21 |
I ka sové nou hòd danjé èk distwiksyon. |
Bèwjé |
I ka otjipé sé sèvant li-a. |
|
Senyè-a Ki Sivwen |
Jennésis 15:2 |
Sé li ki ni tout lotowité; An Hibrou yo ka di Adhonay. |
Moun-lan Ki Ni Tout Lotowité |
Dannyèl 7:18, 27 |
I sé sivwen-an ki ni pli gwo pozisyon-an. |
Non sèten plas an Bib-la ki té ékwi an langaj Hibrou
Non sèten plas an Bib-la ni Bondyé adanʼy, mé sa pa vlé di non sé plas sala sé lòt non pou Bondyé.
Non plas-la |
Lévanjil |
Saʼy vlé di |
|---|---|---|
Jéhova-djayra |
Jennésis 22:13, 14 |
“Jéhova Kay Potjiwé.” |
Jéhova-nisi |
Ègzodòs 17:15 |
Pèp Jéhova sa asanblé owonʼy pou twapé èd èk pwotèksyon.—Ègzodòs 17:13-16. |
Jéhova-chélom |
Jij 6:23, 24 |
“Jéhova Sé Lapé.” |
Jéhova-chama |
Izikèl 48:35, (nòt-la pou vèwsé sala, American Standard Version) |
“Jéhova La.” |
Sé wézon-an nou ni pou konnèt non Bondyé èk sèviʼy
Jéhova mété nonʼy plizyè mil fwa an Bib-la, konsa i a klè non Bondyé vwéman enpòtan.—Malakay 1:11.
Jézi, Gason Bondyé té fè moun wè mannyè i enpòtan pou sèvi non Bondyé. Pou ègzanp Jézi té di Jéhova an lapwiyè: “[Sé] pou tout moun onnowé [nonʼw] kon Bondyé.”—Mafyou 6:9; Jan 17:6.
Moun ki konnèt non Bondyé èk ki ka sèviʼy ka fè éfò pou vini jan épi Jéhova. (Sam 9:10; Malakay 3:16) Bondyé pwonmèt: “Mwen kay délivwé moun ki enmen mwen, èk mwen kay pwotèkté moun ki konnèt [non] mwen kon Bondyé yo.” (Sam 91:14) Alò moun ki fè éfò pou vini jan épi Jéhova kay twapé bennéfis.
Bib-la di: ‘La ni bagay moun ka kwiyé “bondyé” an lézè-a ében asou latè, épi la ni an chay “bondyé” épi “senyè”, mé la ni yon sèl Bondyé.ʼ (1 Kòrint 8:5, 6) Èvèk Bib-la ka idantifyé sèl Bondyé vwé sala pa nonʼy, Jéhova.—Sam 83:18.
a Adan moun ki ka étidyé langaj Hibrou simyé sèvi “Yawé” pou non Bondyé.
b “Jah” sé on non ki kout pou Jéhova. Non sala ka pawèt apipwé senkant (50) fwa an Bib-la. Pou ègzanp non-an “Jah” sé an pa an mo pawòl-la “Hallelujah”, ében “Alélouya”, èvèk mo pawòl sala vlé di “Glowifyé Bondyé”.—Wévélasyon 19:1.
Ou Pé Osi Enmen
ESSENTIAL BIBLE TEACHINGS
Ès Bondyé Ni an Non?
Bondyé ni an chay tit tèl kon, Toupisan, Kwéyatè, èk Senyè. Mé Bib-la ni non Bondyé apipwé 7,000 fwa.
KI MOUN NOU YÉ?
Mandé Pou On Moun Vizitéʼw
Diskité on kwèstyon ou ni asou Bib-la, èben apwann pli konsèné Tèmwen Jéhova.