Bondyé vlé moun vini ansanm pou adowé’y. Konsa, wépons-lan pou kèstyon-an sé wi, i nésésè. Anfen, sé pou wézon sala Hibrou 10:24, 25 ka di nou: “Annou toujou katjilé ki mannyè pou nou sa ankouwajé yonn a lòt pou enmen èk pou fè sa ki bon. Annou pa néglijé asanblé ansanm.”

 Jézi té moutwé ki sé disip li-a té kay byen ògannizé. Konsa, i di an Jan 13:35: “Si zòt enmen yonn a lòt, sé lè sala tout moun kay sav zòt sé disip mwen.” Anfen, yon bèl mannyè disip Jézi té kay moutwé lanmityé sala, sé lè yo asanblé ansanm. Èk sa té si tèlman enpòtan ki yo fòmé kongwigasyon pou yo sa vini ansanm pou adowé Bondyé wèglé. (1 Kòrint 16:19) Konsa, tout sé disip Jézi-a an sé kongwigasyon-an oliwon latè-a té kay vini on gwan fanmi. Yo tout té kay vini fwè èk sè.—1 Pita 2:17.

Ès i asé pou annèk asosiyé épi on wilizyon?

 Èben, Bib-la ka di nou sipozé vini ansanm pou adowé Bondyé. Mé i pa ka enstwi on moun sa plè Bondyé si i ka anni asosiyé épi on wilizyon. Konsa, pou nou sa plè Bondyé èk twapé favè’y, nou ni pou swiv pwensip li touléjou an lavi nou. Pou ègzanp Bib-la ka di an Jémz 1:27: “Mi mannyè pouʼw vini dwèt èk nèt an zyé Bondyé, Papa-a: Édé manmay ki pa ni manman èk papa èk sé madanm-lan mawi yo ja mò-a lè yo ka soufè. Èk pa fè sé mové bagay-la ki ka fèt an latè-a.”