Sèl koté an Bib-la ou sa twapé mo pawòl-la tattoo, sé an Livitikòs 19:28. Lévanjil sala sé yonn an sé lwa-a Bondyé té bay nasyon Izwayèl, èk i ka di: ‘Zòt pa sipozé mété tattoo asou kò zòt.’ Bagay-la sé sa, sé nasyon-an ki té oliwon pèp Izwayèl té ka adowé fo dyé, èk yo té ka tattoo non sé fo dyé sala ében lòt senbòl ki té ka wépwézanté yo, asou lapo yo. Mé Bondyé pa té vlé pèp li fè sa. I té vlé sèvant li diféwan, konsa i koumandé yo pou pa mété tattoo asou kò yo. (Ditonronnonmi 14:2) Magwé Kwityen jòdi pa anba Lwa-a Bondyé té bay nasyon Izwayèl, sé lwa-a té bazé asou pwensip Bib. Alò, i enpòtan pou nou ègzanminé sé pwensip sala, épi nou bizwen pwan yo byen sèwyé.

Ès on Kwityen sipozé mété tattoo asou kò’y?

 Annou gadé yonndé vèwsé ki sa édé nou wézonnen asou sijé sala:

•   ‘Sé madanm-lan sipozé abiyé kò yo adan on mannyè ki . . . ka moutwé wèspé épi bon sans.’ (1 Timòfi 2:9, New American Bible) Pwensip sala sé pou tout moun, ni nonm ni fanm. Konsa, Kwityen sipozé wèspèkté santiman lézòt moun, èk yo pa sipozé fè bagay ki ka mété twòp antansyon asou kò yo, ében bagay ki ka fè lòt moun santi jennen.

•   Adan moun ka mété tattoo paski yo vlé moun konnèt ki moun yo yé, ében yo vlé moun sav yo gwan. Èk la ni lòt moun ki ka mété tattoo paskè yo vlé moutwé, yo ni dwa-a pou fè sa yo vlé épi kò yo. Kanmenm, Bib-la ka ankouwajé Kwityen pou: ‘Ofè kò yo kon yon sakwifis ki vivan. Sa sé, yonn ki sen, épi yonn Bondyé kay aksèpté.’ Èk Bib-la ka osi di nou pou: ‘Sèvi abilité-a nou ni pou wézonnen, pou bay Bondyé on sèvis ki sen.’ (Ronm 12:1 NWT) Konsa, avan’w mété on tattoo, sèvi ‘abilité-a ou ni pou wézonnen,’ èk katjilé asou wézon-an pouki ou vlé tattoo-a. Pou ègzanp, annou di ou vlé on tattoo paskè sé sa ki alamòd, ében paskè ou vlé moun wè ou sé on manm adan on sèten gwoup. Mandé kò’w sé kwèstyon sala: ‘Kisa mwen kay fè lè tattoo-a pa alamòd ankò, ében lè mwen pa on manm an gwoup sala ankò?’ ‘Si mwen pa kontan tattoo-a ankò, ès mwen kay sa tiwé’y?’ Wi, si’w pwan tan pou byen wéfléchi asou wézon-an ou vlé on tattoo, sa kay édé’w pou fè on bon disizyon.—Pwovèb 4:7.

•   Bib-la ka di: ‘Moun ki bon twavayè ka fè plan, konsa yo kay ni siksé. Mé moun ki twò pwésé kay vini pòv.’ (Pwovèb 21:5) Byen souvan, moun pa ka pwan tan pou byen katjilé avan yo désidé pou mété tattoo. Mé disizyon-an pou mété tattoo sa ni gwo éfé asou wilasyon’w épi lòt moun, èk asou kalité twavay-la ou kay sa jwenn. Osi, i bon pou chonjé, i pa alèz pou tiwé tattoo asou lapo’w, paskè i ka kouté gwo lajan pou fè sa, èk i ka fè an chay mal lè yo ka tiwé’y. Èk mi on lòt ti pwen pou’w katjilé asou: Ni moun ki ka fè wichach, épi moun ki ni biznis ki ka fè an chay lajan ka tiwé tattoo ja òbzòvé, an chay moun ki mété tattoo ka wigwété sa, apwé on lè.