Témwen Jéhova ka fè donnasyon pou sipòté twavay nou oliwon latè-a. a Alò an Lasal Wéyòm nou, la ni bwèt kontwibyousyon pou mété donnasyon nou, èk osi, nou sa alé asou wèbsayt-la donate.pr418.com pou fè donnasyon. Asou wèbsayt sala, ou sa fè donnasyon pou diféwan bagay; tèl kon, twavay nou oliwon latè-a, ében kongwigasyon’w.

 Témwen Jéhova ka fè donnasyon épi tout tjè yo. Konsa, pyèsonn pa ka fòsé yo pou bay on donnasyon ében pyèsonn pa ka di yo ki mizi lajan yo ni pou bay. (2 Kòrint 9:7) Osi, nou pa ka anmasé latjèt, ében nou pa ka mandé moun lajan pou atandé mitin nou. An plis di sa, nou pa ka fè moun péyé pou lètèman, nòs, batenm, ében pyès lòt bagay. Èk nou pa ka vann manjé ében fè pyès lòt bagay pou nou sa anmasé lajan. Toujou chonjé, Témwen Jéhova pa ka janmen mansyonnen non sé moun-lan ki bay donnasyon. (Mafyou 6:2-4) Èk nou pa ka sèvi wèbsayt nou èk sé piblikasyon nou-an pou pwomoté diféwan biznis pou fè lajan.

 Toulé mwa, sé ansyen-an ka li on wapò pou di kongwigasyon-an mannyè yo té sèvi sé donnasyon-an. An plis di sa, an chak kongwigasyon sé fwè-a ka ègzanminé lajan-an kongwigasyon-an ni an bank-lan pou fè asiwé yo ka byen sèvi sé donnasyon-an.—2 Kòrint 8:20, 21.

•   Bwèt kontwibyousyon: Ou sa mété lajan ében tjèk an sé bwèt kontwibyousyon-an ki an sé Lasal Wéyòm-lan, sé Lasal Asanblé-a, ében lòt plas nou ka tjenn mitin.

•   Kontwibyousyon asou intannèt-la: Adan plizyè péyi, moun ka alé asou sèksyon-an “Donate to Jehovah’s Witnesses” asou wèbsayt-la donate.pr418.com pou fè donnasyon yo. Alò, yo ka sèvi kat kwédi yo ében kat bank yo pou fè sa. Osi, asou wèbsayt-la, yo ka bay donnasyon diwèktiman hòd kont bank yo, ében yo ka sèvi sé lòt mannyè-a ki asou wèbsayt-la pou fè kontwibyousyon. b Lévanjil-la an 1 Kòrint 16:2 ka ankouwajé Kwityen pou “mété an lavi asou koté”. Konsa, adan Témwen Jéhova ka sèvi intannèt-la pou fè awanjman pou ògannizasyon-an twapé kontwibyousyon yo toulé mwa.

•   Awanjman pou bay ògannizasyon-an byen nou: La ni sèten donnasyon on moun sa bay, mé i ni pou fè awanjman’y andavans, èk i pé bizwen asistans yon avoka. Sé awanjman sala sa édé’y twapé sèten bennéfis lè’y vini pou taks an péyi’y. An chay moun ja twapé bennéfis paski yo té twouvé pli enfòmasyon asou mannyè pou bay ògannizasyon-an byen yo padan yo vivan, ében mannyè ògannizasyon-an sa twapé byen yo lè yo mò. Alò, adan di nou ni diféwan byen nou sa bay ògannizasyon-an. Byen tèl kon:

  •   lajan an bank-lan

  •   asiwans lavi èk pennchann

  •   pwopwiyétè

  •   ‘stocks and bonds’

  •   tèstanman

 Konsa, si ou vlé bay ògannizasyon-an yonn an sé bagay sala, souplé mandé òfis bwanch-la ki wèskonsab pou péyi’w pou ba’w pli enfòmasyon. Pou twapé pli enfòmasyon asou sé diféwan mannyè-a ou sa fè kontwibyousyon, alé asou sèksyon-an “Donate to Jehovah’s Witnesses” asou wèbsayt-la donate.pr418.com.