Mémoriyal Lanmò Jézi
Sanmdi, li 12 Avwi, 2025
Yon fwa toulé lanné, Témwen Jéhova ka tjenn an sélébwasyon pou chonjé lanmò Jézi Kwi. Nou ka fè sa pou obéyi koumand Jézi. I té di: ‘Kontiné fè sa pou zòt moutwé zòt ka chonjé mwen.’—Louk 22:19. (New World Translation)
Nou kay byen kontan si ou atandé lokazyon sala épi nou.
Kwèsyon Moun Ka Toujou Mandé
Konmen tan Mémoriyal-la kay pwan?
I kay pwan apipwé yon nèditan.
Ki koté i kay pwan kou?
Mandé Témwen Jéhova pou pli enfòmasyon.
Ès mwen ni pou péyé pou atandé?
Non.
Ès zòt ka anmasé latjèt?
Non. Témwen Jéhova pa ka janmen anmasé latjèt an sé mitin yo-an.
Ki mannyè moun sipozé abiyé?
Nou pa ka di moun mannyè pou abiyé. Mé, paski nou ka swiv pwensip ki an Bib-la, nou ka abiyé adan an mannyè ki pwòp èk wèspèktab. (1 Timòfi 2:9) Kon sa, had ou pa oblijé chè; dépi i nèt èk wèspèktab i bon.
Ki sa ki kay pwan kou diwan Mémoriyal-la?
Mitin-lan kay koumansé épi on chanson èk yon fwè an kongwigasyon-an kay fè on lapwiyè. Apwé sa, on fwè kay bay an diskou, koté i kay di nou ki mizi enpòtan lanmò Jézi enpòtan. I osi kay èspliké mannyè nou sa twapé bennéfis an sa Bondyé èk Jézi Kwi ja fè ban nou. Finalman, mitin-lan kay fini épi on lòt chanson èvèk lapwiyè.
Pou twapé pli enfòmasyon, ou sa li atik-la: “Pouki Témwen Jéhova Pa Ka Tjenn Dènyé Wipa Senyè-a Menm Kon Lòt Wilizyon?”
Asou ki dat sé Mémoriyal-la ki ka vini-an kay pwan kou?
2025: Sanmdi, li 12 Avwi
2026: Jédi, li 2 Avwi
Ou Pé Osi Enmen
MÉMORIYAL
Chonjé Lanmò Jézi
Nou ka envité’w pou vini jwenn nou pou sélébwasyon lanmò Jézi Kwi. Apwann kouman sakwifis Jézi ka mennen bennéfis pou ou.
ESSENTIAL BIBLE TEACHINGS
Pou ki Wézon Jézi Mò?
Ou pitèt ja tann I mò pou péché nou. Mé, ou pé mandé, ki mannyè lanmò yon nonm sa bennifisyé tout moun?