I mwaka 2023, ludiro guniang ni jo mapol gitye ka bedo kickic dok meno twero balo yotkomgi marac adada. Pi meno, gumoko tamgi me timo gin mo iye. Tika tye yo mo me cobo peko man?

•   Daktar mo i lobo Amerika ma nyinge Vivek Murthy owaco ni “Ka dano gibedo kickic dok pe giribbe ki jo mukene, meno twero balo yotkomgi dok pe gibibedo ki yomcwiny.” Ento en omedde ni: “Watwero timo gin mo iye.” Nining? “Watwero timo jami matino tino nino ducu me jingo watwa ki jo mukene.” a

 Jo mapol pud gibedo kickic kadi bed gitye i kin dano mapol. Labongo paro pi tyen lok mumiyo wawinyo kickic, Baibul twero konyowa. Baibul miyo tam mabeco i kom kit me jingo liremwa ki jo mukene wek pe wabed kickic.

 Bed ngat ma kubbe maber ki jo mukene. Man pe kwako tito ki jo mukene kit ma iwinyo kwede keken, ento bene kwako bedo ngat ma tero ite ka winyo lok. Ka inyuto miti i kom jo mukene, ci liremwu bidongo.

•   Pwony me Baibul: “Pe itam pi gin ma konyi keken, ento tam pi gin ma konyo jo mukene bene.”—Jo Pilipi 2:4.

 Bed ki lurem mapat pat. Bed atera me mako lirem ki jo ma mwakagi dit kato megi nyo jo matino nyo jo ma a ki i tekwaro ki lobe mukene.

•   Pwony me Baibul: ‘Wuyab cwinywu malac.’—2 Jo Korint 6:13.

 Pi ngec matut i kom kit me dongo lirem macok ki jo mukene, kwan pwony ma wiye tye ni “Satisfying Our Hunger for Friendship.”