RWEC MA PIRE TEK
Peko me Can Lim—Gin ma Ker pa Lubanga Bitimone
I twok lobo ducu, tek adada pi jo mapol me nongo cente muromo pi kwo me nino ducu, dok man tye ka doko tek medde ameda.
Ma lubbe ki ripot mo ma kwako wi lobo ducu ma okatti cokcok-ki, a wel cente ma dano gitiyo twero wilo jami manok keken. Ripot man bene omedde ni ka pe kitimo alokaloka mo, ci apokapoka bibedo madit adada i kin jo ma gulony ki jo ma lucan, dok jo me odi mapol gibibedo ki kwo matek makato kare mukato angec.
Tika gamente me lobo-ni bibedo ki kero me cobo peko man me can lim-mi, nyo me timo alokaloka mo?
Baibul tito ni tye gamente mo ma bicobo peko me can lim kacel ki apokapoka ma tye i kin lulonyo ki lucan. Wacci, “Lubanga me polo biketo ker” mo, nyo gamente acel keken, ma bidoro jami ducu ma timme i lobo (Daniel 2:44) I te loc pa gamente meno, pe tye ngat mo keken ma kibiweko ata. (Jabuli 9:18) Ker pa Lubanga bineno ni jo ducu ma i te locce gunongo jami ma gimito wek gibed ki yomcwiny. Jo ducu gibinongo yomcwiny madit macalo adwogi me ticgi matek.—Icaya 65:21, 22.
a International Labour Organization Global Wage Report 2022-23