Gurup pa lutim aranyi gumayo piny i lobo Haiti. Tim gero tye ka medde matek i lobo South Africa, Mexico ki dong lobe mogo me Latin America. Kadi wa i kabedo ma tim gero tye ka dok piny, dano pud gilwor pien giwinyo ripot i kom tim me turo cik calo kwo, yak, ki wango odi.

 Gin ango ma Baibul waco i kom turo cik ma tye ka timme i wi lobo ducu?

 Baibul otito ni tim me turo cik bibedo i kin lanyut me ‘kare me agikki.’ (Matayo 24:3) I kare ma Yecu Kricito tye ka lok i kom lanyut me kare me agikki en owaco ni:

•   “Kit macalo tim maraco [turo cik] bibedo ka medde ameda-ni, mar pa jo mapol bikwe woko.”—Matayo 24:12.

 Baibul bene otito ni “i kare me agikki,” dano “gibibedo jo ma mitgi pe jukke, jo ma ger ma gidag gin mo maber.” (2 Temceo 3:1-5) Kit maraco magi aye gin mumiyo dano mapol gitye ka turo cik i kare-ni.

 Kadi bed kumeno, watye ki tyen lok maber me bedo ki gen. Baibul ocikke ni cokcok-ki tim me turo cik bibedo pe.

•   “Odong kare manok, ci dano marac dong bibedo pe matwal; kadi ingi i kabedone maber, ibinongo ni en dong pe kunnu. Ento jo mamwol aye gibicamo lobo; gibibedo ki yomcwiny pi lonyo madwong ma gibilimo.”—Jabuli 37:10, 11.

 Nong ngec matut i kom gen ma Baibul miyo, ki dong gin mumiyo itwero bedo labongo akalakala mo ni jami ma waneno tye ka timme i kare-ni cobo lok pa lunebi me Baibul. Kwan pwony magi.

 “Gen ma Kome pi Anyim Maber”

 “Jami Ango ma Tye Lanyut pi ‘Kare me Agikki’?”

 “Tika Baibul Otito Kit ma Dano Tamo Dok Gitimo Kwede Jami i Kare-ni?”