Kabaka Mukwongo me Icrael Nio wa Cito Babilon i Opii
Bute me 4
Kabaka Mukwongo me Icrael Nio wa Cito Babilon i Opii
Caulo odoko kabaka mukwongo me Icrael. Ento Jehovah okwero en woko, ci kiyero Daudi me bedo kabaka kakare. Wakwano jami mapol i kom Daudi. Ma pud en bulu, en olwenyo ki Goliac. Lacen en oringo woko ki bot Kabaka manyek Caulo. I ngeye Abigail ma nen ma mwonya tutwal-li ojuke pe me timo gin mo me mingo.
Ma lubo meno, wakwano jami mapol i kom Solomon wod pa Daudi, ma oleyo kaka Daudi macalo kabaka me Icrael. Kabaka adek mukwongo me Icrael ducu ki acel acel guloyo pi mwaka 40. I nge to pa Solomon, kipoko Icrael odoko ker aryo, ker ma tung kumalo ki ma tung kupiny.
Ker me kaka 10 ma tung kumalo-ni ori pi mwaka 257 ma peya Luaciria guturo. Lacen i nge mwaka 133, ker me kaka aryo ma tung kupiny-nyi bene kituro woko. I kare man, kitero Luicrael i opii i Babilon. Pi meno Dul me ANGWEN loko i kom gin mutimme con ma otero mwaka 510, kare ma jami mogo ma gudo cwiny otimme iye.