Bute me 6

Nywalo Yecu nio wa i Tone

Kicwalo lamalaika Gabriel bot nyako mo ma kite ber ma nying Lamaliam. Lamalaika-ni owacco ki Maliam ni en binywalo latin ma biloc calo Kabaka nakanaka. Kinywalo latin Yecu i ka cam pa lee, kunnu lukwat gulime. Lacen, lakalatwe otelo wi co ma gua tung Kunyango me cito bot latin matidi-ni. Wabingeyo anga ma omiyo guneno lakalatwe, ki kit ma Yecu obwot ki i tutte me temo neke.

Ma lubo meno, wanongo Yecu, ma en dong tye ki mwaka 12, tye ka lok ki lupwonnye i ot pa Lubanga. Lacen i nge mwaka aparwiye aboro kibatija Yecu, ci en dong ocako tic me tito kacel ki pwonyo lok i kom Ker ma Lubanga ocwale i lobo me timo. Me konyo en i tic-ci, Yecu oyero co 12 ci olokogi gudoko lukwenane.

Yecu bene otimo tango mapol. En opito dano alip mapol ki rec matitino manok kacel ki mugati mogo manok keken. En ocango lutwo dok ocero kadiwa jo muto. Me giko, wapwonyo lok mapol ma otimme i kom Yecu i kare me agikki me kwone, ki kit ma kineke kwede. Yecu otito lok pi mwaka adek ki nucu, pi meno DUL ME 6 tito lok ma otimme pi kare makato mwaka 34 manok.