KWO ME OT obedo yub mo ma pud dong orii loyo ma kingeyo, ento i kare-ni peko tye iye. Tic ki yat calo jayigi ki tim tarwang tye ka nya i kin jo matino, ket keny ki tim gero odoko peko i kwo me ot i kare-ni, medde pa wel jo me odi ma gitye ki lanyodo acel keken, ki pekki mukene maraco miyo jo mogo gibedo ki ur ka kwo me ot dok bitwere.

Kwo pa jo me ot tika pud twero bedo labongo tagge ma jo ma iye winyo gwok ki kwo maber? Twere, ka ce jo me ot gingeyo mung me ada me nongo yomcwiny i kwo me ot. Mung man pe okane. Kitemo dok kinongo ni tiyo maber adada pi cencwari mapol. Mung man obedo ngo? Buk man, Mung me Nongo Yomcwiny i Kwo me Ot, miyo lagamme. Miyo bene lanen mogo ma konyo, kit ma “mung” man romo konyo me cobo peko me kwo me ot. Tika tye ngat mo i kare-ni ma pe mito ngec macalo man?