Tam i kom gin mumiyo itye ka kwano ginacoya meno. Wac gin mo ma bikonyo jo ma tye ka winyo lokki me niang pwony ma ibimiyone ma peya ikwano ginacoya mo keken.

Wek dano guniang ni lokki ducu jenge i Baibul. Ka itye ka lok ki dano ma giye i kom Lubanga, wek gunge ni Baibul aye obedo Lok pa Lubanga. Man binyuto ni Baibul aye tye ki ryeko ma lamal loyo.

Tug miti pa dano i ginacoya. Peny lapeny ma ginacoya bigamone, tit peko mo ma ginacoya twero cobone, nyo lok i kom pwony ma nonge i wang Ginacoya moni.