Wapwoyi mada me jalo kareni pi kwano brocuwa man pi ngeyo angagi ma Lucaden pa Jehovah gubedo, pi ngeyo tic ma watiyo, ki dong ngeyo gin ma dulwa tiyo. Wageno ni okonyi me ngeyo ni wan aye watye ka timo miti pa Jehovah i kare-ni. Wacuko cwinyi me medde ki nongo ngec i kom Lubanga, ki dong me tito jami ma itye ka pwonyone bot jo me oti ki luremi, ki dong me bino i cokkewa ducu.—Jo Ibru 10:23-25.

Ibinongo ni ka imedde ki nongo ngec i kom Jehovah, ci ibimedde ki neno ni en mari mada. Man bitugo cwinyi me timo jami ducu ma itwero me nyuto marri pire. (1 Jon 4:8-10, 19) Ento, in itwero nyuto mar meno nining i kwoni me nino ducu? Pingo lubo cik pa Lubanga ma mako kit me kwo ber piri? Dok ngo ma bikonyi me timo miti pa Lubanga kacel kwedwa? Lapwonnyi me Baibul bibedo ki yomcwiny me miyo lagam mapol i kom lapennyi wek in kacel ki jo me pacowu wubed “i mar pa Lubanga, . . . nio wa i kwo ma pe tum.”—Juda 21.

Wakwayi me medde ki dongo i lok me ada ki kwano buk mukene man . . .