Lok me Cako Bute me 12
Yecu opwonyo dano lok i kom Ker me polo. En bene opwonyogi me lega ni giwor nying Lubanga, ni Ker mere obin, dok mitine otimme i lobo. Ka in lanyodo, tit bot latinni gin mumiyo lega man pire tek piwa. Yecu pe oye ni Catan otur gennene. Yecu oyero lukwenane, dok gin aye gubedo jo mukwongo ma gibibedo i Kerre. Nen kong mit kom pa Yecu pi woro me ada. Pien Yecu onongo mito konyo jo mukene, en ocango lutwo, opito jo ma kec nekogi, dok ocero kadi wa jo muto. Tango magi ducu onyutu gin ma Ker pa Lubanga bitimone pi dano.
I CEKCON MAN
Yecu Odoko Meciya
Ngo ma Jon onongo tye ka wacone i kare ma en otito ni Yecu aye Latin Romo pa Lubanga?
Larac-ci Obito Yecu
Larac-ci obito Yecu tyen adek. Abita adek mene ma en otiyo kwede? Yecu odok iye nining?
Yecu Olonyo Ot pa Lubanga
Ping Yecu oryemo lee woko ki i ot pa Lubanga dok oreto meja pa lulok-cente?
Dako ma i Wang Pii
Dako mo me Camaria obedo ki ur ni Yecu oloko kwede. Pingo? Ngo ma Yecu owacce ma en onongo peya owaco ki ngati mo keken?
Yecu Otito Kwena me Ker pa Lubanga
Yecu olwongo lupwonnyene mogo me doko “lumak dano.” Lacen, en opwonyo lulub kore ma romo 70 me tito lok me kwena maber-ri.
Yecu Otimo Tango Mapol
Ka mo keken ma Yecu ocito iye, lutwo gubino bote pi nongo kony, dok en ocangogi. En bene ocero latin anyaka mo.
Yecu Oyero Lukwenane Apar Wiye Aryo
En oyerogi me timo gin ango? Wi tika po nyinggi?
Pwony me Wi Got
Yecu omiyo pwony ma pigi tek bot lwak ma ma onongo ogure.
Yecu Opwonyo Lulub Kore Kit me Lega
Yecu owaco bot lulub kore ni ‘gumedde ki penyo’ pi jami macalo mene?
Yecu Opito Dano Alip Mapol
Tango man pwonyowa gin ango i kom Jehovah?
Yecu Owoto i Wi Pii
Tika itwero goyo i wi kit ma lukwena guwinyo kwede i kare ma guneno tango man?
Yecu Ocango Dano i Cabat
Pingo jo mogo cwinygi pe yom i kom gin ma en tye ka timone?
Yecu Ocero Lajaro
I kare ma Yecu oneno Maliam ka koko, en bene ocako koko. Ento kokogi olokke odoko yomcwiny.