Lok me Cako Bute me 8
Jehovah ogoyo laane i kom Solomon kun miyo bote mot me gero ot pa Lubanga, ento motmot Solomon oweko Jehovah woko. Ka in lanyodo, tit bot latinni kit ma luworo me goba guloko kwede Solomon woko ki i woro Lubanga. Ker me Icrael opokke woko, dok kabaka maraco guloko rok me Icrael i woro cal apaya. I kare meno, kibedo ka uno ki neko lunebi mapol pa Jehovah. Daker Jejebel omiyo ker ma tung kumalo me Icrael gudonyo matut adada i woro goba. Meno pud dong obedo kare marac ya i tekwaro pa jo Icrael. Ento onongo pud tye lutic pa Jehovah ma lugen i kin jo Icrael, ma i kine tye iye Kabaka Yekocapat ki lanebi Elia.
I CEKCON MAN
Ot pa Jehovah
Lubanga onongo ni gin ma kabaka Solomon openyo pire-ni ber dok omiyo bote mot mapol.
Ker-ri Opokke
Jo Icrael mapol guweko woro Jehovah woko.
Pyem ma Obedo i Wi Got Karmel
Anga ma obedo Lubanga me ada? Jehovah nyo Baal?
Jehovah Ojingo Cwiny Elia
Itamo ni Jehovah twero jingo cwinyi bene?
Wod pa Dato Ocer
Tango aryo otimme i ot acel!
Kipwodo Daker ma Kite Rac
Jejebel oketo yub me neko laco ma Laicrael ma nyinge Nabot pien mito mayo poto olok pa Nabot! Lubanga Jehovah oneno rac cwiny ki tim maraco pa Jejebel.
Jehovah Ogwoko Yekocapat
Kabaka ma kite ber ma nyinge Yekocapat olego bot Lubanga i kare ma lumonegi gubino ka lweny i kom Juda.