DUL 1
Watwero Winyo Lok pa Lubanga Nining?
Lubanga loko kwedwa kun tiyo ki Baibul. 2 Temceo 3:16
Lubanga me ada otiro dano me coyo tamme i buk mo maleng. Buk meno en Baibul. Tye ki ngec ma pigi tego ma Lubanga mito ni in ingegi.
Lubanga ngeyo gin maber loyo piwa dok en aye Wang It me ryeko ducu. Ka iwinyo lokke, ci ibidoko ngat maryek.—Carolok 1:5
Lubanga mito ni jo ducu ma i wi lobo-ni gukwan Baibul. Kombeddi dong kigonyo i leb mapat pat mapol.
Ka imito winyo lok pa Lubanga, myero ikwan Baibul dok iniang lok ma iye.
Dano me kabedo ducu gitye ka winyo lok man. Matayo 28:19
Lucaden pa Jehovah gitwero konyi me niang ngec ma tye i Baibul.
I lobo ducu gin aye gipwonyo lok ada i kom Lubanga.
Pe ibiculo gin mo pi nongo pwony man. Itwero bene pwonyo ngec i kom Lubanga ki i Ot me Ker pa Lucaden pa Jehovah me kabedowu.
Itwero Bedo ki Miti i kom Lok Man
PWONY MA PIGI TEGO ME BAIBUL
Wangeyo Nining ni Lok me Baibul Tye Kakare?
Ka Baibul obedo lok pa Lubanga, ci myero obed pat adada ki buk mo keken ma kicoyo.
PWONY MA PIGI TEGO ME BAIBUL
Lok me Baibul Obedo pa Anga?
Ka dano aye ocoyo, ci tika pore me lwongone ni Lok pa Lubanga? Baibul tye ki tam pa anga-ni?
LOK MADOK I KOMWA
Ngo ma Timme ka Kitye ka Kwano Baibul?
I but lobo ducu, Lucaden pa Jehovah gingene pi yub me kwano Baibul ki dano me nono. Nen kit ma woto kwede.
BUKKE KI BROCUWA
In Mono Itamo Ningo i kom Baibul?
Baibul mono obedo buk ma tye ki ryeko pa dano ki ododo, nyo Lok pa Lubanga?
