DUL 3
Kwo i Paradic Onongo Tye Nining?
Jehovah omiyo bot Adam ki Kawa jami mabeco mapol. Acakki 1:28
Kawa aye dako mukwongo ma Jehovah ocweyo, ci omiye bot Adam me bedo dakone.—Acakki 2:21, 22
Jehovah ocweyogi ki tam kacel ki kom ma roc nyo bal mo pe iye.
Pacogi me Paradic onongo poto me Eden—kabedo mo mamwonya adada ma kulu mol ki iye dok nyig yadi me acama ki lee dwong iye.
Jehovah onongo loko kwedgi; en obedo lapwonygi. Ka guwinyo lokke, kono gubedo kwo nakanaka i Paradic i lobo.
Lubanga owacci pe myero gucam nyig yat acel ki i kin yadi ducu. Acakki 2:16, 17
Jehovah onyutu yat mo acel ma tye i poto bot Adam ki Kawa dok ocikogi ni ka gucamo nyig meno ci gibito.
Lamalaika acel ojemo i kom Lubanga. Lamalaika meno en aye Catan Larac-ci.
Catan onongo pe mito ni Adam ki Kawa guwiny Jehovah. Pi man, en otiyo ki twol me tito bot Kawa ni ka en ocamo nyig yat meno, Kawa pe bito, ento bidoko calo Lubanga. Meno gire onongo lok goba.—Acakki 3:1-5.
Itwero Bedo ki Miti i kom Lok Man
PWONY MA PIGI TEGO ME BAIBUL
Pingo Lubanga Ocweyo Lobo?
Lobo leng ma pe wacce. Borre ki ceng, kit ma olenge kwede, ki dong cipid me wirrene rwatte litap. Pingo Lubanga otute matek tutwal me cweyo lobo?
