Lok me Cakone
Lubanga obedo calo wego ma lamar. 1 Petero 5:6, 7
Lubanga aye Lacwecwa, dok en paro piwa. Kit macalo wego maryek dok ma lamar pwonyo kwede lutinone, Lubanga bene pwonyo dano yo maber pud dong loyo me kwo.
Lubanga onyutu lok ada ma pigi tego ma kelo botwa yomcwiny ki gen.
Ka iwinyo lok pa Lubanga, en bigwoki, tiro in dok konyi me lweny ki pekki.
Ento pud tye gin mukene—ibibedo kwo nakanaka!
Lubanga wacciwa ni: “Wubin bota; wuwiny lokka, wek wubed kwo.” Icaya 55:3
Itwero Bedo ki Miti i kom Lok Man
PWONY MA PIGI TEGO ME BAIBUL
Lubanga Mono Tye ki Nyinge?
Lubanga tye ki nying dog tic mapol, calo Won Twer Ducu, Lacwec, ki Rwot. Ento nying Lubanga kikome kitiyo kwede tyen ma romo 7,000 kulu i Baibul.
