DUL 11
Jehovah Mono Winyo Lokwa?
Lubanga winyo legawa. 1 Petero 3:12
Jehovah aye ‘Lawiny lega.’ (Jabuli 65:2) En mito walok bote ki cwinywa ducu.
Leg bot Jehovah ento pe bot ngat mukene.
Watwero lega pi jami mapol. 1 Jon 5:14
Leg ni miti pa Lubanga otimme i polo ki dok i lobo.
Leg i nying Yecu me nyuto ni ipwoyo gin ma en otimo piri.
Leg Jehovah me konyi wek itim gin maber. Iromo bene lega pi cam, dog tic, ot, ginaruka, ki yotkom.
Itwero Bedo ki Miti i kom Lok Man
PWONY MA PIGI TEGO ME BAIBUL
Lubanga Tika Winyo Lega Ducu?
Ka lega pa ngat mo nyuto cwiny me woro kono? Ka laco uno dakone ci ingeye lego pi mot ki bot Lubanga kono?
