DUL 9
Paradic Mono Bibino Awene?
Peko mapol ma tye i lobo-ni nyutu ni Ker pa Lubanga dong cok bino. Luka 21:10, 11; 2 Temceo 3:1-5
Baibul otito con pol pa jami ma tye ka timme i kare-ni. Otito ni dano bibedo lumar lim, pe gibiwinyo lunyodogi, gibibedo jo mager, ki jo ma maro yomcwiny.
Oyengyeng madongo biyengo lobo, lweny, kec, ki two mapat pat bipoto i kabedo mapol. Jami magi dong gitye ka timme i kare man.
Yecu bene owacci lok man me kwena maber me Ker-ri kibititone i wi lobo ducu.—Matayo 24:14.
Ker-ri bijwayo jami maraco ducu. 2 Petero 3:13
Cok cok-ki, Jehovah bityeko jo maraco ducu.
Catan kacel ki jogine kibimiyogi pwod.
Jo ma giwinyo lok pa Lubanga gibibwot me kwo i lobo manyen me kit matir, ka ma lworo bibedo pe iye, ka ma dano gigene dok gimarre i kingi.
Itwero Bedo ki Miti i kom Lok Man
BUKKE KI BROCUWA
Ker pa Lubanga Obedo Gin Ango?
I kare ma Yecu tye i lobo, en onyuto gin ma Ker pa Lubanga bitimone.
BUKKE KI BROCUWA
Peko Mono Bigik?
Baibul wacci Lubanga dag ngolo kop alenga dok ni en paro pi dano. Man twero bedo ber piri nining?
