Adam ki Kawa gunywalo lutino, ci dano odoko mapol i lobo. Lacen, lumalaika mogo gudonyo i jemo pa Catan.

Gubino i lobo kany ci gulokke guruko kom calo pa dano wek ginyom mon. Mon magi gunywalo awobe ma tekogi kato pa dano, ma gitego dok giger.

Lobo opong ki jo ma lutim maraco. Baibul waco ni: “Bal pa dano odoko dit i wi lobo, dok tam ducu ma cwinygi lwodo kare ducu kemo bal keken.”

Nua onongo obedo laco ma kite ber. Jehovah owaco bot Nua ni Ebikelo pii aluka madit me tyeko jo maraco woko.

Lubanga bene owaco bot Nua me payo yeya madit macalo canduk, ki me tero jo me ode ki kwai lee mapat pat ducu i iye.

Nua ociko dano pi corre pa pii aluka i wi lobo, ento gin pe guwinyo lokke. Jo mukene gunyero Nua anyera; mukene onongo gidag en.

I kare ma kityeko tic me payo yeya, Nua otero kwai lee mapat pat i iye.