LUBANGA WON TWER DUCU aye Loyo polo ki lobo ducu. Kwowa me kare-ni kacel ki me kare me anyim jenge i kome. En tye ki twero me miyo mot ki me miyo pwod. En tye ki twero me miyo kwo kacel ki me kwanyo kwo. Ka en cwakowa ci wabibedo maber, ento ka en pe cwakowa ci wabibedo marac. Pire tek tutwal ni en myero oye worowa.

Dano giworo woro i yo mapol. Ka dini obedo calo yo, ci Lubanga mono ye dini ducu? Pe, en pe ye gin ducu. Yecu, ma obedo lanebi pa Lubanga, onyuto ni tye yo aryo keken. En owaco ni: “Doggola ma tero dano i to lac, dok yone gipiro maber, dok jo ma donyo ki iye pol. Pien doggola ma tero dano i kwo ding, ki yone bene rac, dok jo ma nongo yo meno ginok.”​—Matayo 7:13, 14.

Dini tye kite aryo keken: acel ma tero dano i kwo ki acel ma tero dano i to. Brocuwa man tye me konyi me nongo yo ma cito i kwo ma pe tum.