BATIJA Kabedo pi jo ma binongo batija bibedo anyim cok ki wi abam. Jo ma gibinongo batija omyero gubed kacel i kabedo meno ma nongo peya kicako miyo pwony me batija i Ceng Abicel odiko. Ngat acel acel myero okel tawulu ki bongo mupore me lutte i pii.

JAMI MA ORWENY CI KINONGO Jami ducu ma orweny ci kinongo myero kiter i Dipatmen ma Gwoko Jami ma Orweny ci Kinongo. Ka ce irwenyo gin mo, cit ingi i dipatmen man. Lutino ma nongo gurweny woko ki bot lunyodogi myero bene kitergi i dipatmen man. Ento, wek man pe dok okel abar wic, tim ber igwok lutinoni maber dok iwek gubed boti.

JO MA MITO MIYO KONY Ka imito miyo kony pi tic mo keken ma kwako yub me gure madit, tim ber icit i Dipatmen me Ngec ki Jo ma Gujalle me Miyo Kony.

KABEDO Tim ber ipar pi jo mukene. Wi opo ni ka ibigwoko kabedo ci omyero igwok pi jo ma nongo wuwoto kacel kwedgi i mutoka acel, jo ma wubedo kwedgi i paco acel, nyo jo ma itye ka kwano Baibul kwedgi keken. Tim ber pe iket jami i wi kabedo ma odong nono.

KONY PI LITKOM Omyero inge ni kony man tye pi two ma ongole atura keken.

LUJOL WELE Lujol wele kiketogi me konyi. Tim ber ilub gin ducu ma giwacci ma dok i kom ka gwoko gin wot, ka donyo nyo kato woko ki i ot gure, mako kabedo, ki jami mukene ma tye.

MOT Kityeko tic ki cente mapol me keto yub maber madok i kom kabedo, lakub dwan, latuk vidio, ki dong jami mukene mapol ma weko yub me gure madit man bedo mamit dok konyowa me nyikke cok bot Jehovah. Mot ma meri ma a ki i cwinyi konyo me culo pi jami magi dok cwako bene ticwa ma kwako wi lobo ducu-ni. Wek miyo motti obed yot, canduk me bolo mot tye i kabedo ducu me gure man. Itwero bene miyo mot kun itiyo ki kabedowa me Intanet me donate.pr418.com. Watye ki pwoc pi mot ducu ma wumiyo. Lukiko Madit mito pwoyowu pi yot cingwu me tyelo kor ticwa me Ker-ri.