Jo pa Jehovah ducu gitwero timo jami mabeco pi Jehovah ma wic pe biwil i komgi matwal. Calo lanyodo ma lamar ma wiye pe wil i kom jami mabeco ma lutinone timo, Jehovah bene wiye pe biwil i kom tic ma watiyo ki mar ma wanyuto pi nyinge. (Mat 6:20; Ibru 6:10) Ngene kene ni, kerowa ki kwo ma wawok ki iye patpat. Ento ka watute ki kerowa ducu me tic pi Jehovah, ci watwero bedo ki yomcwiny. (Gal 6:4; Kol 3:23) Pi mwaki mapol, omege ki lumege alip mapol gutiyo i Betel. Tika itwero jalle me tic i Betel? Ka pe, ci tika itwero cuko cwiny ngat mo me timone nyo konyo labetel mo me medde ki tic i Betel?

NEN VIDIO MA WIYE TYE NI BED ATERA ME TIC I BETEL, CI IGAM LAPENY MAGI:

• Gin ango ma myero otug cwinyi me tic i Betel?

• Jo mukene guloko ningo ma lubbe ki mot ma bino pi tic i Betel?

• Jami ango ma weko ngat moni bedo mupore pi tic i Betel?

• Itwero penyo pi tic i Betel nining?