Mwaka ki mwaka, Lukricitayo mapol ma ticgi okwe woko gibedo tye i kwer me Nipo. Gucako pyem ngwec me kwo ento gukwe woko pi tyen lok mapat pat, ma mogo kinyamogi i brocuwa me Return to Jehovah. (Ibru 12:1) Kadi bed kumeno, jo magi pud pigi tek bot Jehovah, ma owilogi ki remo pa Wode. (Tic 20:28; 1Pet 1:18, 19) Watwero konyogi nining me dwogo cen i kacokke?

Luelda giyenyo dok gikonyo Lukricitayo ma ticgi okwe woko, kit macalo lakwat yenyo romo ma olak woko ki i dwol. (Luka 15:4-7) Man nyuto mar ma Jehovah tye kwede pigi. (Jer 23:3, 4) Wan ducu waromo cuko cwiny jo ma ticgi okwe woko, pien man pe obedo tic pa luelda keken. Yellewa me nyuto cwiny me kica yomo cwiny Jehovah dok twero kelo adwogi maber atika. (Car 19:17; Tic 20:35) Pi man, tam kong i kom anga ma itwero cuko cwinye, ci itim meno labongo galle!

NEN VIDIO MA WIYE TYE NI CUK CWINY JO MA TICGI OKWE WOKO, I NGEYE WUNYAM LAPENY MAGI:

• Ngo ma Abbey otimo i kare ma en orwatte ki Lacaden ma en pe ngeyo?

• Pingo omyero kong walok ki luelda ka wamito konyo ngat mo ma ticce okwe woko?

• Abbey oyubbe nining me dok cen ka limo Laura pi tyen me aryone?

• Abbey odiyo cwinye dok onyuto mar nining i kare ma tye ka tute me cuko cwiny Laura?

• Pwony ango ma wanongo ki i carolok pa Yecu i Luka 15:8-10?

• Mot ango ma obino i nge ribo cing ka konyo Laura?