Cakke i mwaka-ni, wabibedo ki kare malac me yubbe pi Nipo me to pa Kricito. Ka Nipo opoto i dye cabit, ci Cokke me Kwowa ki Ticwa bibedo pe i cabit meno. Ka Nipo opoto i tum cabit, ci pwony alwak ki Nyamo Wi Lubele bibedo pe. Tika ibitiyo ki kare meno maber? Kit mutimme kwede i cencwari me acel, wan bene watimo jami mapat pat me yubbe pi kwer man ma pire tek-ki. (Luka 22:7-13; km 3/15 1) Ento tye jami mukene bene ma myero watim wek wanong adwogi maber ki i yub man. Ngo ma watwero timone?

• Lwod lok i kom kit ma pire tek kwede me bedo tye i yub man.​—1Kor 11:23-26

• Leg bot Jehovah dok itam i kom watti kwede.​—1Kor 11:27-29; 2Kor 13:5

• Kwan ci ilwod lok ma tye i Baibul kacel ki bukke ma jenge i Baibul ma nyamo tyen lok me Nipo.​—Jon 3:16; 15:13

Lutit kwena mogo gikwano dok gilwodo ginacoya ma kiketo i te Kwano Baibul pi Nipo ma tye i Kwano Ginacoya me Nino Ducu. Jo mukene gikwano wang Baibul ma tye i chart ma kinyuto piny kany. Jo mukene gikwano pwony ma okatti i Wi Lubele macon ma nyamo lok kom Nipo ki mar ma Jehovah ki Yecu gunyuto piwa. Wek gin mo keken ma iyero me kwanone onyiki cok ki Jehovah ki Wode.