KWOWA MACALO LUKRICITAYO
Gin Ango ma Pire Tek Loyo Bota?
Yakobo olwenyo ki lamalaika wek enong gin mo ma pire tek adada—mot pa Jehovah. (Acak 32:24-31; Koc 12:3, 4) Wan kono? Tika watye ka tute matek me lubo cik pa Jehovah wek wanong motte? Me labolle, ka mitte ni wayer i kin cito i cokke ki tic pi cawa malac i gang ticwa, ci mene ma wabiyero? Ka wamiyo cawawa, kerowa, ki dong jami ma watye kwede bot Jehovah, ci en ‘biminiwa mot madwong.’ (Mal 3:10) En bitirowa, bigwokowa, dok biminiwa jami ma mitte.—Mat 6:33; Ibru 13:5.
NEN VIDIO MA WIYE TYE NI KET CWINYI I KOM YUB ME CWINY, CI IGAM LAPENY MAGI:
-
Gin mo ma lamego-ni maro odoko ariya bote nining?
-
Dog ticwa twero doko ariya botwa nining?
-
Pingo onongo mitte ni Temceo omedde ki keto yub me cwiny kadi bed ni onongo dong tye dano muteggi i yo me cwiny?—1Tem 4:16
-
Watwero nyuto tic ma pire tek loyo botwa nining?