KWOWA MACALO LUKRICITAYO
Dongo Dirowa i Tic me Pwony—Kit me Gudo Cwiny Dano ki Buk me ‘Wubed i Mar pa Lubanga’
GIN MUMIYO PIRE TEK: Dano myero gupwony cik pa Jehovah dok gulubi wek guwore i yo ma atir. (Ic 2:3, 4) Buk me ‘Mar pa Lubanga’ obedo buk me aryo ma wakwano ki dano, dok konyo lutino kwan me Baibul me niang kit ma cik ma igi lac me Baibul gudo kwede kwowa me nino ducu. (Ibru 5:14) Omyero wapwonygi i yo ma gudo cwinygi wek gubed ki miti me loko kwogi.
KIT ME TIMONE:
-
Yubbe maber, kun itamo i kom gin ma bikonyo latin kwanni me dongo i yo me cwiny. Yub lapeny mogo ma bikonyi me golo tamme i kom lok ma wutye ka nyamone.
—Car 20:5; be-E 259 -
Ti ki bok mapat pat ma tye i buk man me konyo latin kwanni me neno adwogi maber ma bino pi lubo cik ma igi lac me Baibul
-
Kony latin kwanni me tam i kom lok ma en myero omoki ma lubbe ki kit ma cwinye ngole kwede, ento pe imok tam pire.
—Gal 6:5 -
Tem niang ka latin kwanni mito kony me lubo cik mogo ma igi lac me Baibul. Cuk cwinye me timo alokaloka i kwone pi marre pi Jehovah.
—Car 27:11; Jon 14:31
