Paulo ki Cira gupako Jehovah ki wer i kare ma gitye i buc. (Tic 16:25) Labongo akalakala mo, wero wer ojingogi me ciro atematema man. Wan kono i kareni? Wer ma wawero i cokkewa kacel ki wer ma nonge i JW Broadcasting gitwero cuko cwinywa dok gikonyowa me gwoko gennewa ka watye i atematema. Ento ma pire tek loyo, gikelo pak bot Jehovah. (Jab 28:7) Kicuko cwinywa ni wamak wer mogo ki wiwa. Tika dong itemo timo man? Watwero tic ki woro pi jo me ot me wero wer magi ki makone i wiwa.

NEN VIDIO MA WIYE TYE NI LUTINO GIPAKO JEHOVAH KI WER, I NGEYE GAM LAPENY MAGI:

• Adwogi maber ango ma wanongo ki i wero wer me Ker-ri?

• Dipatmen me mako dwan ki vidio giyubbe nining me mako wer?

• Lutino ki lupacogi giyubbe nining me wero wer?

• Wer mene me Ker-ri ma imaro loyo, dok pingo?