Tika itye i kine ka mwaka 23 me o i 65 dok itye ka tic pi Jehovah pi kare malac? Tika komi yot dok itwero tic ka mo keken ma can lutit kwena tye iye? Ka lagammi pi lapeny magi tye ni eyo, ci tika dong itamo me pongo fom me cito i Cukul pi Lutit Kwena me Ker-ri? Nicakke ki i kilaci me acel, jo munyomme kacel ki omege ki lumege ma wigi nono alip mapol dong gupongo fom man. Kadi bed kumeno, pud kimito ni omege mapol ma wigi nono gupong fom man. Leg Jehovah wek omiyi miti me medo cawani i tic pire ki dok me lubo lanen pa Wode. (Jab 40:8; Mat 20:28; Ibru 10:7) Ci inen ka itye ki tic mogo i wii, me labolle, miyo jami ma mitte pi jo me gangwu, dog ticci, ki dong banya, ka tye ci tim alokaloka wek ebed ki kare me cito i cukul man.

Mot me tic ango ma jo ma gucito i cukul man gibedo ki kare me timone i nge tyeko kwangi? Jo mogo kicwalogi i wang tic ka ma kiloko iye leb mapat, mukene ginywako i yub ma kite dok pat me tito kwena i dye lwak. Mogo gitiyo macalo luneno me adwol, nyo lumiconari. Ka itye ka tam i kom tic ma itwero timone pi Jehovah, myero ibed ki cwiny calo pa lanebi Icaya ma owaco ni: “An ene; ora!”​—Ic 6:8.

NEN VIDIO MA WIYE TYE NI LUMICONARI​—GINYWAKO I TIC ME KAC, CI IGAM LAPENY MAGI:

• Kiyero lumiconari nining?

• Tic mabeco ango ma lumiconari gitye ka timone?

• Mot ango ma lumiconari ginongo?