I kare ma Yecu tye i lobo, en onwoyo cik man ni: “Wor woru ki meni.” (Nia 20:12; Mat 15:4) Yecu onongo twero lok agonya pien en ‘obedo kun winyo’ lunyodone i kare me bulune. (Luka 2:51) I kare ma en dong cok to, en oketo yub wek kigwok mine.​—Jon 19:26, 27.

I kare-ni bene, bulu ma Lukricitayo ma giwinyo lunyodogi dok giloko kwedgi ki mwolo, ginyuto woro. Ada, myero wamedde ki lubo cik man teke lunyodowa pud gikwo. Kadi bed lunyodowa dong guti woko, omyero wamedde ki worogi kun wawinyo lokgi me ryeko. (Car 23:22) Waworo lunyodowa muteggi bene ka waparo pi kit ma giwinyo kwede dok wakonyogi ki cente ka mitte. (1Tem 5:8) Kadi bed watino nyo wadongo, lok ki lunyodowa i yo maber pire tek me nyuto botgi woro.

NEN VIDIO ME CAL MA KIGOYO AGOYA MA WIYE TYE NI ATWERO LOK KI LUNYWALA NINING? I NGEYE GAM LAPENY MAGI:

• Pingo lok ki lunywali romo bedo tek?

• Itwero nyuto woro bot lunywali nining ka itye ka lok kwedgi?

• Adwogi maber ango ma itwero nongo ka iloko ki lunywali? (Car 15:22)