KWOWA MACALO LUKRICITAYO
Dongo Dirowa i Tic me Pwony—Kit me Tic ki Lapeny ki Diro
GIN MUMIYO PIRE TEK: Ka “tam ma dano tye kwede i cwinye [bedo] calo pii matut,” ci lapeny tye calo baket me twomo pii meno. (Car 20:5) Lapeny konyowa me nywako lok ki jo ma winyowa. Lagamgi i kom lapeny ma wayero ki diro, pol kare konyowa me niang gin ma tye i tamgi. Yecu otiyo ki lapeny ki diro. Watwero lubo lanene nining?
KIT ME TIMONE:
-
Peny lapeny me golo tam. Yecu openyo lapeny mapatpat wek eniang tam pa lupwonnyene. (Mat 16:13-16; be-E 238 para. 3-5) Lapeny me golo tam ango ma itwero penyone?
-
Peny lapeny ma konyo dano me o i niango matir. Me tiro tam pa Petero, Yecu openye lapeny dok omiye lagam mogo ma twero tere i niango matir. (Mat 17:24-26) Lapeny mene ma in itwero penyo kwede ngat moni me tiro tamme wek otere i niango matir?
-
Pwoye. I kare ma lapwony-cik mo ogamo lok “maber ki ryeko,” Yecu opwoye. (Mar 12:34) Itwero pwoyo ngat ma omiyo lagam i kom lapeny ma ipenyo nining?
NEN BUTE MUKWONGO ME VIDIO ME TIM TIC MA YECU OTIYO—PWONY DANO, I NGEYE WUGAM LAPENY MAGI:
-
Pingo man obedo lanen me pwony marac, kadi bed en omiyo ngec ma tye kakare?
-
Pingo wan omyero pe watit mere ngec ma tye keken ci otum?
NEN BUTE ME ARYO ME VIDIO-NI, I NGEYE WUGAM LAPENY MAGI:
-
Omego-ni otiyo ki lapeny ki diro nining?
-
Ngo maber mukene ma waromo porone ki i yo me pwony pa omego-ni?