In dong ibedo ka kuro Ker pa Lubanga pi kare ma romene? Tika ibedo ka diyo cwinyi kun ikuro kadi bed kwo tek? (Rom 8:25) Lukricitayo mogo kemme ki adegadega, aunauna, buc, nyo to. Mukene giciro atematema magwar calo two ma pe cang nyo tiyo.

Ngo ma bikonyowa me diyo cwinywa kun wakuro ki miti madwong ka watye ka wok ki i atematema mo keken? Omyero wabed ka jingo niyewa nino ducu ki kwano Baibul kun walwodo lokke. Omyero waket cwinywa i kom genwa. (2Kor 4:16-18; Ibru 12:2) Omyero wabak dogwa bot Jehovah, kun walege pi cwiny mere maleng wek ominiwa teko. (Luka 11:10, 13; Ibru 5:7) Wonwa ma lamar-ri twero konyowa ‘wek wacir can ducu kun wadiyo cwinywa i yo ducu ki yomcwiny.’​—Kol 1:11.

NEN VIDIO MA WIYE TYE NI MYERO ‘WARINGU NGWEC PYEM MA TYE I NYIMWA KUN WACIRO’​—BED KI GEN NI IBINONGO MOT, I NGEYE GAM LAPENY MAGI:

• ‘Jami ango ma twero timme atura’ i kwowa? (Latit 9:11)

• Lega konyowa nining ka watye ka kemme ki atematema?

• Ka pe watwero timo tic mapol pi Jehovah kit ma yam con, pingo omyero waket cwinywa i kom gin ma pud watwero timone?

• Ngo ma konyi me bedo ki gen me nongo mot?