GIN MUMIYO PIRE TEK: Dano myero gulwong nying Jehovah wek gunong larre. (Rom 10:13, 14) Ento, pe ni jo ducu ma guye kwano Baibul gimito lubo cik pa Jehovah. Yo maber me tic ki cawawa i tic me pwony aye me konyo jo ma gimito loko kwogi me yomo cwiny Jehovah. Ka ce latin kwan me Baibul pe tye ka dongo i nge kwan kwede pi kare malac, ci bedo me ryeko me juko kwanne woko wek wati ki cawawa me konyo jo ma Jehovah tye ka nyikogi cok bote ki dulle. (Jon 6:44) Ento, ka lacen ngat meno onyuto ni etye i kin ‘jo ma myero me nongo kwo ma pe tum,’ ci wamedde ki kwano Baibul kwede.​—Tic 13:48.

KIT ME TIMONE:

• Pwo latin kwan pi bedo ki miti me nongo ngec matir.​—1Tem 2:4

• Nyut kit ma pire tek kwede me keto pwony i tic.​—Luka 6:46-49

• I yo me mwolo, wunyam kacel carolok madok i kom laco kodi, ci ipenye ngo ma tye ka genge me keto pwony ma en onongo-ni i tic.​—Mat 13:18-23

• Ki diro, tit pingo pe ibimedde ki kwano Baibul kwede

• Wek onge ni ibilime nyo ibibedo ka gone cim kare ki kare me cuko cwinye, dok wutwero medde ki kwan ka en ocako keto jami ma en opwonyo i tic

NEN VIDIO, CI I NGEYE WUGAM LAPENY MAGI:

• Ngo ma iniang ki i nyamo lok man ma nyuto ni latin kwan pe tye ka dongo i yo me cwiny?

• Latit kwena-ni okonyo latin kwanne nining me niang ni myero elok kwone?

• Latit kwena-ni onyuto nining ni emito medde ki kwano Baibul ki latin kwan-ni ka en tye atera me cako keto pwony i tic?