Ka ineno ature mamwonya, dan polo ma opong ki lakalatwe, nyo acu-cur pii, tika ineno Lacwec mucweyo jami magi ducu? Cwec murumowa woko dyere nyuto kit pa Jehovah. (Rom 1:20) Ka watamo matut i kom jami ma waneno ki wangwa, ci watwero neno kit pa Jehovah calo teko, mar, ryeko, ki dong ngolo kop atir, kacel ki yot cinge.​—Jab 104:24.

Cwec pa Jehovah mene ma ineno nino ki nino? Kadi bed ibedo i citi, iromo neno winyi nyo yadi. Keto cwinywa ka neno cwec pa Jehovah twero konyowa me lweny ki par, me keto cwinywa i kom jami ma pigi tego, ki dong me jingo niyewa i kom kero ma Jehovah tye kwede me gwokowa pi naka. (Mat 6:25-32) Ka itye ki lutino, konygi me neno kit mamwonya pa Jehovah. Ka wawoto ki dongo pwocwa i kom cwec murumowa-ni, ci wabinyikke cok ki Lacwec.​—Jab 8:3, 4.

NEN VIDIO MA WIYE TYE NI CWEC ME AURA NYUTO DEYO PA LUBANGA​—DERO KI KALA, I NGEYE GAM LAPENY MAGI:

• Pingo waneno kala mapat pat?

• Pingo kala mukene bedo ka lokke ma lubbe ki ka ma itye ka nenone ki iye?

• Pingo waneno kala mapat pat i dan polo?

• Kala mamwonya mene ma ineno cok ki ganggi?

• Pingo omyero wakwany cawa me ngiyo cwec murumowa-ni?