Jehovah neno kwonge me nyom calo gin ma pire tek adada. En owaco ni jo munyomme myero pe gupokke ki bot luotgi. (Mat 19:5, 6) Watye ki jo me ot mapol i kin jo pa Jehovah ma gitye ki yomcwiny i nyomgi. Kadi bed kumeno, peko olo to wang ma obedo tye i ot. Dok pe myero wabed ki tam ma onya adada i kin piny ni pokke ki keto keny aye yo me cobo peko ma wakemme kwede i nyom. Jo munyomme gitwero gwoko nyomgi nining?

Wanen kong yo abic ma pigi tego.

1. Gwok cwinyi kun ikwero lajwac jami calo lok oree ki galowang macilo, pien jami magi balo wat ma i kin jo munyomme.​—Mat 5:28; 2Pet 2:14.

2. Jing watti ki Lubanga, dok itute me yomo cwinye i kwo me otwu.​—Jab 97:10.

3. Medde ki ruko kit pa dano manyen, ki dok timo jami ma nyuto cwiny me kica. Jami magi weko kwo pa luoti bedo mayot.​—Kol 3:8-10, 12-14.

4. Wek lok i kinwu obed ki woro dok mupore.​—Kol 4:6.

5. Cob miti me buto pa luoti ki mar.​—1Kor 7:3, 4; 10:24.

Ka Lukricitayo giketo deyo i kom nyom, ci man bene bikelo deyo i kom Ngat ma ocako te yub me nyom, Jehovah.

NEN VIDIO MA WIYE TYE NI MYERO ‘WARINGU NGWEC PYEM MA TYE I NYIMWA, KUN WACIRO’​—LUB CIK ME TUKO, CI IGAM LAPENY MAGI:

• Kadi bed nyom twero cakke maber, ento pekki ango ma twero bino?

• Cik ma igi lac me Baibul twero konyo jo ma giwinyo calo mar pe i nyomgi nining?

• Cik ango ma Jehovah omiyo pi jo munyomme?

• Ngo ma myero laco ki dako gutim wek nyomgi obed maber?