Ngo ma itye ka yelle kwede nino ducu? Tika ibedo lawi ot ma tye ki jami mapol me atima? Tika ibedo lanyodo ma tye kene dok tye ka yelle me gwoko jo gange? Tika itye latin kwan ma tye ka kemme ki dic ma a ki bot luwoti? Tika itye ka yelle ki peko me yot kom nyo tiyo? Dano ducu gitye ki peko. Lukricitayo mapol gitye ka lweny ki atematema mapol lawangacel. Kadi bed kumeno, wangeyo ni cokcok-ki wabinongo larre ki i atematema magi ducu.​—2Kor 4:16-18.

Ento ka meno pudi, wanongo kwecwiny ki i ngeyo ni Jehovah niang peko ma watye ka kemme kwede, pwoyo gennewa ki diyo cwinywa, dok biminiwa mot mapol i anyim. (Jer 29:11, 12) Yecu bene paro piwa ki acel acel. Ka watye ka cobo ticwa macalo Lukricitayo, wabedo ki gen i lok ma en owaco ni: “Atye kwedwu kare ducu.” (Mat 28:20) Ka walwodo lok i kom larre ma tye i anyim i te Ker pa Lubanga, man weko wabedo ki gen dok wamoko tamwa me kanyo atematema mo keken i kare-ni.​—Rom 8:19-21.

NEN VIDIO MA WIYE TYE NI KA YAMO MATEK ME NINO PA RWOT KODO, CIK WANGI I KOM YECU!​—MOT ME KER-RI MA BIBEDO I ANYIM, CI IGAM LAPENY MAGI:

• Wat i kin dano ki Lubanga oballe nining, dok man okelo adwogi ango?

• Ngo ma tye i anyim ma tye ka kuro jo ma gitye lugen bot Jehovah?

• Anyim mamwonya man twere nining?

• Mot mamwonya mene ma itye ka kurone i lobo manyen?