Pingo myero iyubbe? Peko me two twero ngolle i komwa atura, nyo bene kitwero gengowa i ot yat i cawa mo keken. Pi meno, ma peya peko mo opoto tim gin mo keken ma itwero wek inong kony maber loyo pi yot kom ka peko otimme i anyim. Ka itimo meno, nongo inyuto woro pi kwo ki dong cik pa Jehovah madok i kom remo.—Tic 15:28, 29.

Gin ango ma itwero timo me yubbe?

• Leg ci ipong kad me remo ma kilwongo ni DPA card a. Lutit kwena ma gunongo batija gitwero nongo kad me DPA pigi ki dong Identity Card (ic) pi lutinogi ki bot omego ma neno lok kom bukke i kacokkegi

• Ka itye ki ic, peny luelda pi fom ma kilwongo ni Information for Expectant Mothers (S-401). Fom man bikonyi me moko tam maber madok i kom peko me yot kom i kare me yaco nyo i kare me nywal

• Ka bimitte ni kiti ki yo mo me cango two ma twero weko kimedo remo i komi nyo kigengi i ot yat, mi luelda me kacokkeni gunge con dok iwac bot ludaktari ni guye ki Lucaden pa Jehovah gubin ka neni

Luelda gitwero konyi nining? Gitwero konyi ka itye ka pongo kad me DPA. Kadi bed kumeno, luelda pe bimoki tam madok i kom yot komi nyo pe gibititti tamgi i kom gin ma ngat acel acel aye myero omok tam iye pire kene. (Rom 14:12; Gal 6:5) Ka iniango luelda ni itye ka wok ki i peko me yot kom ma twero kelo lok kom remo, ci gin gibilok ki Komitti ma Kubo Kin Lucaden pa Jehovah ki Ludaktari (HLC).

Komitti me HLC twero konyi nining? Kipwonyo omege ma gitiyo i HLC me konyo jo ma gimiyo kony me yot kom ki dong luloc me gamente ma neno lok kom cik me lobowu wek guniang neno pa Lucaden pa Jehovah i kom remo. Gitwero tito ki ludaktari ma gitye ka tic i komi, yo mukene ma gitwero tic kwede labongo medo remo i komi. Ka mitte, gitwero konyi me nongo daktar ma twero tic i komi labongo tic ki remo.

NEN VIDIO MA WIYE TYE NI KIT ME MOKO TAM MADOK I KOM YO ME CANGO MA PE TIYO KI REMO, CI IGAM LAPENY MAN:

• Ngo ma ipwonyo ki i vidio man ma twero konyi me yubbe pi peko me yot kom ma kwako tic ki remo?

  Your answer