I kare man me agikki-ni, watye ka wok ki i pekki mapol adada. I kare mukene watwero winyo calo pekkiwa tek adada ma pe watwero kanyone. Kadi bed kumeno, ka wamedde ki nyikke cok bot Jehovah, en bikonyowa me ciro kadi wa pekki ma turo cwinywa loyo. (Ic 43:2, 4) Watwero nyikke cok bot Jehovah nining ka watye ka wok ki i atematema?

Lega. Ka watito jami ducu ma tye i cwinywa bot Jehovah, en biminiwa kuc ki teko me ciro atematema.—Pil 4:6, 7; 1Tec 5:17.

Cokke. Ma loyo kare mo keken, i kare-ni wamito cam me cwiny ki yub ma Jehovah oketo wek wacokke kacel. (Ibru 10:24, 25) Ka wayubbe pi cokke, wacito iye dok wamiyo lagam, ci wanongo adwogi maber ki i kony ma Jehovah miyo kun tiyo ki cwiny maleng.—Yabo 2:29.

Tic me pwony. Wabinongo ni yot me keto cwinywa i kom jami mabeco ka watimo jami ducu ma watwero wek wanywak i tic me pwony ki mit kom. Wabijingo bene wat i kinwa ki Jehovah kacel ki lutic luwotwa.—1Kor 3:5-10.

NEN VIDIO MA WIYE TYE NI JEHOVAH BIGWOKI, CI IGAM LAPENY MAGI:

• Gin ango ma okonyo Malu me medde ki bedo cok ki Jehovah i kare me atematema?

  Your answer

• Calo Malu, lok ma kicoyo i Jabuli 34:18 twero kweyo cwinywa nining ka watye ka wok ki i atematema?

  Your answer

• Gin mutimme i kom Malu nyuto nining ni Jehovah miniwa teko ma mitte ka watye ka wok ki i atematema?—2Kor 4:7

  Your answer