Januari 8-14
YUBU 34-35
Wer 30 ki Lega | Lok me Cakone (Dak. 1)
1. Ka Nen Calo Jami Maraco Tye ka Timme i Kom Jo Mabeco
(Dak. 10)
Myero inge ni Jehovah aye pe weko jami maraco timme (Yubu 34:10; wp19.1 8 para. 2)
Twero nen calo jo maraco pe gitye ka nongo pwod pi jami maraco ma gitimo; ento pe gitwero kanne ki i wang Jehovah (Yubu 34:21-26; w17.04 11 para. 5)
Yo maber loyo me konyo jo ma kitye ka terogi marac aye ki pwonyogi lok i kom Jehovah (Yubu 35:9, 10; Mat 28:19, 20; w21.05 7 para. 19-20)
2. Yenyo Lonyo me Cwiny
(Dak. 10)
Yubu 35:7—Gin ango ma Eliu onongo tye ka wacone i kare ma openyo Yubu ni: “Gin ango ma en [Lubanga] gamo ki i cingi?” (w17.04 28 para. 3)
Lonyo me cwiny ango ma inongo ki i kwanni me Baibul i cabit man ma imito nywakone?
3. Kwano Baibul
(Dak. 4) Yubu 35:1-16 (th pwony me 10)
4. Kit me Cako Lok
(Dak. 3) I OT KI OT. Titte pi yubwa me kwano Baibul. (lmd pwony me 10 wi lok matidi me 3)
5. Kit me Cako Lok
(Dak. 4) MIYO CADEN I KARE MA OWEC. Nyut bot ngat ma tye ki lutino kit me nongo ngec ma twero konyo lunyodo ki i jw.org. (lmd pwony me 1 wi lok matidi me 4)
6. Kony Dano me Doko Lupwonnye
Wer 58
7. Tika Itye ki Miti me ‘Tito Lok pa Lubanga’ i Kare ma Owec?
(Dak. 15) Pwony ki lapeny.
Paulo ocuko cwiny Temceo ni: “Tit lok pa Lubanga, cung iye matek.” (2Tem 4:2) Nyig lok me leb Grik ma kigonyo ni “cung iye matek” onongo i kine mukene kitiyo kwede bene i kom lamony nyo lakur piny ma tye i dog ticce dok nongo tye atera kare ducu me lweny. Nyig lok man nyuto miti ma watye kwede kare ducu me miyo caden ka kare mo keken owec, i cawa ma nongo watye ka lok ki ngat mo i kom gin mukene mapat.
Marwa pi Jehovah ki pwocwa pi jami ducu ma otimo piwa tugo cwinywa me tito bot jo mukene lok madok i kom kite mabeco-ni.
Kwan Jabuli 71:8. Ci ipeny lwak ki lapeny man:
Jami mabeco ango madok i kom Jehovah ma imito tito bot jo mukene?
Marwa pi jo mukene bene tugo cwinywa me tito kwena i kare ma owec.
Tuk VIDIO ma wiye tye ni Kit ma Jo Miya Mapol Gunongo Kwede Lok Ada me Baibul. Ci ipeny lwak ki lapeny magi:
Miyo caden i kare ma owec okonyo jo miya mapol nining me nongo lok ada me Baibul?
Lumemba me kanica man gunongo adwogi maber nining ki i pwonyo lok ada me Baibul?
Marwa pi dano tugo cwinywa nining me miyo caden i kare mo keken ma owec?
Pingo itamo ni miyo caden i kare ma owec obedo yo maber adada me konyo jo mukene me ngeyo Jehovah?
8. Kwano Baibul Kacel Macalo Kacokke
(Dak. 30) ia dul me 6 para. 1-14
