Jehovah okonyo lupeko i kare pa Luicrael. En konyo lupeko ma i kin luticce me kare-ni nining?

• En pwonyogi me bedo ki neno mupore i kom cente.​—Luka 12:15; 1Tem 6:6-8

• En pwonyogi me bedo ki woro i komgi kekengi.​—Yubu 34:19

• En pwonyogi me tic matek ki dok me gwokke ki tim mogo ma wanogi.​—Car 14:23; 20:1; 2Kor 7:1

• En okelogi i kin Lukricitayo ma gitye calo jo me ot acel dok gimarre i kingi.​—Jon 13:35; 1Jon 3:17, 18

• En minigi gen.​—Jab 9:18; Ic 65:21-23

Kadi bed watye ka wok ki i peko madit adada, pe myero wabed ki lworo. (Ic 30:15) Jehovah biminiwa jami me kom ma mitte ka wamedde ki keto pi Kerre mukwongo.​—Mat 6:31-33.

NEN VIDIO MA WIYE TYE NI MAR PE GIK KADI . . . CAN TYE​—CONGO, CI IGAM LAPENY MA LUBO:

• Utmege ma gibedo cok ki ka ma gure madit me rijion bedo iye gunyuto mar ki cwiny me jolo welo nining bot jo ma gia ki ka mabor?

• Vidio man pwonyowa gin ango madok i kom kit ma Jehovah maro kwede lupeko?

• Watwero lubo lanen pa Jehovah nining kadi bed watye ki jami me kom mapol nyo manok?