Baibul tye ki labol me lega mapol ma Jehovah ogamogi. Labongo akalakala mo, i kare ma lutic pa Lubanga guneno kit ma Jehovah ogamo legagi dok okonyogi kwede, niyegi ojing matek. Pi meno, pire tek adada ni wawac ki Jehovah gin ma wamito kikome, dok watute me neno kit ma en gamo kwede legawa. Wi myero opo ni lagam pa Jehovah twero bedo mapat nyo makato gin ma walego. (2Kor 12:7-9; Ep 3:20) Gin ango ma Jehovah twero miyone ma lubbe ki legawa?

• Kero ki dong niye me lweny ki peko meno.—2Kor 4:7

• Ryeko me moko tam maber.—Yak 1:5

• Miti ki teko me timo gin ma mitte.—Pil 2:13

• Wic ma opye mot ka watye ki par.—Pil 4:6, 7

• Kony ki cukocwiny ma a ki bot jo mukene. —1Jon 3:17, 18

• Kony bot jo ma walego pigi.—Tic 12:5, 11

NEN VIDIO MA WIYE TYE NI JEHOVAH ‘AYE LAGAM LEGA,’ CI IGAM LAPENY MAGI:

• Gin ma otimme i kom Omego Shimizu cuko cwinywa nining ka watye ki peko me yotkom?

• Watwero lubo lanen pa Omego Shimizu nining?