Jehovah mito ni jo me ot gubed ki yomcwiny. (Jab 127:3-5; Latit 9:9; 11:9) Kadi bed kit meno, i kine mukene pe watwero bedo ki yomcwiny pi jami maraco ma wakemme kwede i lobo-ni nyo gin mo marac ma jo gangwa gitimo. Gin ango ma ngat acel acel twero timone me kelo yomcwiny i kwo me ot?

Laco myero omi deyo bot dakone. (1Pet 3:7) En myero ocwal cawa me bedo kacel kwede, pe obed ki miti ni dakone otim jami makato kerone woko, dok onyut pwoc pi jami ma en timo pire ki dong pi jo gange. (Kol 3:15) En bene myero onyut ni emaro dakone dok olok maber i kome.—Car 31:28, 31.

Dako myero otute me konyo kor cware. (Car 31:12) En myero omine i te loc pa cware dok omiye cwak. (Kol 3:18) Dako myero olok ki cware ki woro dok olok maber i kome.—Car 31:26.

Lunyodo myero gucwal cawa ki lutinogi. (Nwo 6:6, 7) Dok guwac ki lutinogi ni gimarogi. (Mat 3:17) Ka lunyodo tye ka pwonyo lutinogi, myero gunyutigi mar ki niang matut.—Ep 6:4.

Lutino myero guwor dok gubed luwiny bot lunyodogi. (Car 23:22) Myero gutit tamgi ki kit ma giwinyo kwede bot lunyodogi. Lutino bene myero gujol tira ma lunyodogi minigi dok gunyutigi woro.—Car 19:20.

NEN VIDIO MA WIYE TYE NI WUBED KI YOMCWINY I ODIWU, CI IGAM LAPENY MA LUBO:

Gin ango ma ngat acel acel otimo me kelo yomcwiny i kwo me otgi?