Yub pi jami me cwiny kwako gin mo keken ma wamito ni watute matek me cobone wek wati pi Jehovah ki cwinywa ducu dok wayom cwinye. Jami magi konyowa me bedo Lukricitayo muteggi, dok cawa ki kero ma wajalo me cobogi pe bipoto nono. (1Tem 4:15) Pingo myero wangi yub ma waketo kare ki kare? Pien kwo lokke. Twero bedo ni yub ma waketo i kare mukato angec dong pe pore piwa i kare-ni, nyo dong watyeko cobone woko dok watwero keto mukene.

Kare mupore me ngiyo yubwa aye i kare ma pud mwaka manyen me ticwa peya ocakke. Pingo pe wunyam lokke i worowu macalo jo me ot ci wuket yub ma ngat acel acel mito cobone ki dok ma wumito cobone macalo jo me ot?

Yub mene ma imito cobone i kabedo magi dok gin ango ma itwero timo me cobone?